Tuladha Sesorah Pasrahan Pengantin kakung

Assalamu’alaikum wr.wb.       Nuwun.
Alhamdulillah Hirobil’alamin
Washola………..dst. ‘ama ba’du.

Para sesepuh kasepuhan ingkang tansah kinabekten mirungganipun dhumateng panjenenganipun Bp……......Sekalian Para tamu kakung Sumawono putri ingkang satuhu kula hormati. Kepareng kula sumela atur,anggempil kamardikan panjenengan sedaya ingkang nembe sekeca wawanpangandikan,nun inggih awit tinimbalan Adhimas pranata cara,kinen ngayahi jejibahan masrahaken Risang calon panganten kakung.

Namung sak derengipun,sumangga kita sesarengan mboten kendat,tansah ngunjukaken puja lan puji syukur wonten ngarsanipun Gusti Ingkang Maha Agung,Gusti ingkang paring gesang nun inggih Allah SWT. Ingkang sampun paring limpahan karunia,karohmatan lan Hidayahipun,Langkung-langkung kasarasan ingkang sampun kasalira dhumateng kula lan panjenengan sami,satemah kita sedaya saged ngempal manunggal wanten ing papan mriki kanthi wilujeng nirbaya nir ing sambikala. Mboten kirang satunggal punapa. Sholawat saha salam mugi tansah katetepna dhumateng junjungan kita Nabi Agung Muhammad SAW. keluwarga,kerabat sak pendherekipun mugi kalebet kula panjenengan sami. Ingkang tansah mawatun wantu safa’atipun,wanten ing Dinten Yaumul Qiyamah samangkeh………………….Amin.

Panjenenganipun Bp………………….sekalian,Kula ingkang sinaraya minangka talangin basa………………Kinen nganthi calon pengantin kakung,puji syukur awit saking nugrahaning Pangeran,Kula sapengombyong calon pengantin kakung,saget marak sowan ing Dalem ………………..ngriki kanthi wilujeng mboten kirang pambeng menapa.

 Ingkang sepisan : Bp/Ibu……………….ngaturaken salam Taklim konjuk dhumateng para pini sepuh,Binarung pepuji mugi tansah sinelakno ing suko Rahayu,tinebehna saking sambekala.

Ingkang angka kaleh : Kula nganthi nglarapaken saha masrahaken calon pengantin kakung wanten ngarso panjenengan sekalian saha sarana salaking Rabi,Bok bilih sampun samekta samudayanipun ,kula nggadahi panyuwun mugi saged katindakaken tata cara saklajengipun lan supados kadaupaken kalian. Nimas ayu…………………... Atmaja Putrinipun Bp…………….. ingkang pidalem wonten ing……………………..…. Kanthi mas kawin………….

Kula sak brayat nderek memuji,saget tumapak kanthi Rancak. Kalis saking sambekalaning gati,ing tembenipun kula taksih nyuwun gungan calon temanten kakung mudha ing umur seserepan,langkung-langkung kawruh ing gesang bebrayan,mila mugi Bp……………. Saha para pinisepuh kersa paring sesuluh saha wewarah,amrih gesang bebrayanipun kalian anak mas………………………… saget manggih kamulyan.

Kajawi menika bok bilih sowan kula sapengombyong wonten tindak tanduk ingkang kirang mranani penggalih. Mugi brayat ing mriki mboten kirang ing pamengku. Kula ingkang minangka badaling wacana bok bilih wonten atur ingkang katliwar nyuwun agunging pangaksama. Dumatheng Bp…………………. Sabrayat,bok bilih acara………………… samangke sampun kaanggep cekap kula sak rombongan anyuwun pamit medal pasilan wangsul wanton griya Klajuran .

Nuwun…wedal kula konduraken dhumateng Adhimas pramata cara.
Akirul salam, Wabillahitaufiq wal hidayah, Wassalamu’alaikum Wr. Wb.